ກົມນະໂຍບາຍການຄ້າຕ່າງປະເທດ

ກົມນະໂຍບາຍການຄ້າຕ່າງປະເທດ ຂຽນຫຍໍ້ວ່າ “ກນຄຕ”ແມ່ນພາກສ່ວນໜຶ່ງໃນໂຄງປະກອບກົງຈັກ ການຈັດຕັ້ງ ຂອງກະຊວງອຸດສາຫະກຳ ແລະ ການຄ້າ, ຂຽນເປັນ ພາສາສາກົນວ່າ “Department of Foreign Trade Policy” ຂຽນຫຍໍ້ເປັນພາສາສາກົນວ່າ“DFTP”, ມີພາລະບົດບາດເປັນເສນາທິການ ໃຫ້ແກ່ລັດຖະມົນຕີ ກະຊວງອຸດສາຫະກຳ ແລະ ການຄ້າ ໃນວຽກງານນະໂຍບາຍ, ການພົວພັນ, ການຮ່ວມມືດ້ານ ອຸດສາຫະກຳ ແລະ ການຄ້າກັບຕ່າງປະເທດ.

ຂ່າວສານໃໝ່

ກອງປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນ (Special AEM) ແລະ ກອງປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນບວກສາມ (Special AEM+3) ກ່ຽວກັບ ການຮັບມືກັບໂຄວິດ-19

ໃນ​ວັນທີ 4 ມິຖຸນາ 2020, ທ່ານ ນາງ ເຂັມມະນີ ພົນເສນາ, ລັດຖະມົນຕີກະຊວງອຸດສາຫະກໍາ ແລະ ການຄ້າ, ທັງເປັນລັດຖະມົນຕີເສດຖະກິດອາຊຽນຂອງ ສປປ ລາວ ໄດ້ນຳພາຄະນະຜູ້ແທນ ສປປ ລາວ ເຂົ້າຮ່ວມກອງ ປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນ ກ່ຽວກັບການຮັບມືກັບໂຄວິດ-19, ທີ່ ກະຊວງອຸດສາຫະກໍາ ແລະ ການຄ້າ, ນະຄອນຫຼວງວຽງຈັນ. ກອງປະຊຸມທາງໄກສະໄໝພິເສດຂອງລັດຖະມົນຕີເສດຖະກິດອາຊຽນໄດ້ດໍາເນີນໄປພາຍໃຕ້ການເປັນປະທານຂອງ ທ່ານ Tran Tuan Anh, ລັດຖະມົນຕີກະຊວງອຸດສາຫະກໍາ  ແລະ ການຄ້າ ສສ ຫວຽດນາມ, ໃນຖານະປະທານໝູນວຽນອາຊຽນ ປີ 2020. ໃນກອງປະຊຸມຄັ້ງນີ້ໄດ້ມີການແລກປ່ຽນທັດສະນະ ແລະ ຄວາມຄິດເຫັນຕໍ່ກັບການສະກັດກັ້ນ, ເຝົ້າລະວັງ, ຄວບຄຸມ ແລະ ຮັບມືກັບການລະບາດຂອງໂຄວິດ-19. ຊຶ່ງໃນກອງປະຊຸມຄັ້ງນີ້ບັນດາລັດຖະມົນຕີເສດຖະກິດອາຊຽນໄດ້ແລກປ່ຽນຂໍ້ມູນຂ່າວສານກ່ຽວກັບສະພາບການ ແລະ ມາດຕະການຂອງແຕ່ລະປະເທດສະມາຊິກກໍຄືຂອງອາຊຽນໂດຍລວມ ເພື່ອພ້ອມກັນຮັບມື ແລະ ຕອບໂຕ້ຢ່າງທັນການຕໍ່ການແຜ່ລະບາດຂອງພະຍາດດັ່ງກ່າວ ກອງປະຊຸມຍັງໄດ້ຮັບຮອງເອົາແຜນປະຕິບັດງານຮ່າໂນ້ຍ ວ່າດ້ວຍການສ້າງຄວາມເຂັ້ມແຂງໃຫ້ແກ່ການຮ່ວມມືເສດຖະກິດອາຊຽນ ແລະ ການເຊື່ອມຈອດຕ່ອງໂສ້ການສະໜອງເພື່ອຮັບມືກັບການລະບາດຂອງໂຄວິດ-19, […]

img
ສສ ຫວຽດນາມ ຍົກເລີກພາສີໂກຕ້າ (TRQ) ສຳລັບການນຳເຂົ້ານ້ຳຕານຈາກປະເທດສະມາຊິກ ອາຊຽນ

ຂ່າວດີສຳລັບຜູ້ປະກອບການໃນການຜະລິດ ແລະ ສົ່ງອອກຜະລິດຕະພັນນ້ຳຕານ. ອີງຕາມແຈ້ງການຂອງກະຊວງ ອຸດສາຫະກຳ ແລະ ການຄ້າ ແຫ່ງ ສສ ຫວຽດນາມ ສະບັບເລກທີ 23/2019/TT-BCT, ລົງວັນທີ: 13 ພະຈິກ 2019, ຊຶ່ງນັບແຕ່ວັນທີ 01 ມັງກອນ 2020 ເປັນຕົ້ນໄປ ທາງການ ຫວຽດນາມ ຍົກເລີກພາສີໂກຕ້າ (TRQ) ສຳລັບການນຳເຂົ້ານ້ຳຕານຈາກປະເທດສະມາຊິກອາຊຽນ, ແນ່ໃສ່ເພື່ອຈັດຕັ້ງປະຕິບັດພັນທະຂອງຕົນພາຍໃຕ້ເງື່ອນໄຂມາດຕາ 20 ຂອງສັນຍາ ATIGA.  ຜະລິດຕະພັນນ້ຳຕານຕາມໝວດສິນຄ້າ HS 1701 ທີ່ນຳເຂົ້າຈາກປະເທດສະມາຊິກອາຊຽນຈະຖືກຈັດເກັບພາສີນຳເຂົ້າ 5% ພາຍໃຕ້ ສັນຍາ ATIGA (Form D) ແລະ 2,5% ພາຍໃຕ້ສັນຍາສອງຝ່າຍ (Form S). BỘ CÔNG THƯƠNG

img
3rd RCEP Summit

img
ກອງປະຊຸມຫົວໜ້າຄະນະເຈລະຈາສັນຍາການຮ່ວມມືເສດຖະກິດຮອບດ້ານລະດັບພາກພື້ນ ຄັ້ງທີ 25 ແລະ ກອງປະຊຸມອື່ນໆທີ່ກ່ຽວຂ້ອງ (25th RCEP - TNC and related meetings) ໃນລະຫວ່າງວັນທີ 19 - 28 ກຸມພາ 2019 ທີ່ ບາຫຼີ, ປະເທດອິນໂດເນເຊຍ

ສຸດຍອດການດາວໂຫຼດ