Foreign Trade Policy Department

    Lao (ພາສາລາວ)English

Main Menu

GATS Enquiry Point

WTO & AEC Center

Who's Online

We have 15 guests online

Visitor Counter

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday312
mod_vvisit_counterYesterday1054
mod_vvisit_counterThis week312
mod_vvisit_counterLast week4884
mod_vvisit_counterThis month18989
mod_vvisit_counterLast month23360
mod_vvisit_counterAll days312185

ຖະແຫຼງຂ່າວ ຜົນສຳເລັດການເຈລະຈາເຂົ້າເປັນສະມາຊິກອົງການການຄ້າໂລກຂອງລາວ

E-mail Print PDF

ການເຂົ້າເປັນສະມາຊິກ ອຄລ ຈະ​ເປັນ​ບາດ​ກ້າວສຳຄັນໃນ​ການຍົກ​ລະດັບ​ການ​ຄຸ້ມ​ຄອງດ້ານ​ ການ​ຄ້າ​ຂອງ​ຕົນ​​ໃຫ້​ໄດ້​ຕາມ​ລະ​ດັບ​ສາກົນ​ເທື່ອ​ລະ​ກ້າວ​ ໂດຍນຳ​ໃຊ້​ກົດ​ກະຕິ​ກາ​ຂອງ​ ອຄລ ສ້າງລະບົບ​ທີ່​ເອື້ອ​ອຳນວຍ​ແກ່​ການ​ດຳ​ເນີນ​ທຸລະ​ກິດບໍ່​ມີ​ການຈຳ​ແນ​ກປະຕິບັດຮັບປະກັນການ​ແຂ່ງຂັນ​ທີ່ເປັນ​ທຳ​, ບໍ່​ເອົາ​ລັດ​ເອົາ​ປຽບ, ພ້ອມ​ທັງມີ​ຄວາມ​​ໂປ່​ງ​ໃສສາມາດຄາດ​ຄະ​​ເນ​ໄດ້​ຕໍ່​ພາກ​ທຸລ​ະກິດ ​ເປັນ​ປັດ​ໃຈ​ສຳຄັນ​ໃນ​ການ​ສ້າງ​ຄວາມ​ເຊື່ອ​ໝັ້ນ​​ໃຫ້ແກ່ນັກ​ລົງທຶນ​ຕ່າງໆ​ທີ່​ເປັນ​ມື​ອາຊີ​ບ​ເຂົ້າ​ມາ​ລົງທຶນ​ພາຍ​ໃນ​ປະ​ເທດ​ຫຼາຍ​ຂຶ້ນ​ ເຮັດ​ໃຫ້​ກຳລັງ​ການ​ການ​ຜະລິດ​ເພີ່ມ​ຂຶ້ນ, ວັດຖຸ​ດິບ​ພາຍ​ໃນ​ກໍ​ຈະ​ຖືກ​ນຳ​ໃຊ້​ຢ່າງ​ມີ​ປະສິດທິ​ຜົນ ​ແລະ ພັດທະນາ​ໄປ​ໃນ​ທາງ​ທີ່​ຍືນ​ຍົງ. ສປປ ລາວ ຍັງຈະໄດ້ຮັບຜົນ​ປະ​ໂຫຍ​ດຂອງ​ການ​ເຂົ້າ​ເປັນ​ສະມາຊິກຄື: ຈະ​ມີ​ບົດ​ບາດຫຼາຍ​ຂຶ້ນ​​ໃນ​ເວທີ​ສາກົນ​ ​​ເປັນ​ການດຶງດູດ​ການ​ລົງທຶນ​ ແລະ ຊຸກຍູ້​ການ​ແຂ່ງຂັນ​ດ້ານ​ເສດຖະກິດໂດຍຜ່ານການທົບທວນ ແລະ ປັບປຸງລະບຽບກົດໝາຍໃຫ້ສອດຄ່ອງກັບສາກົນ​ ​ແລະ ມີອຳນາດ​ຫຼາຍ​ຂຶ້ນໃນ​ການ​ຕໍ່​ລອງ​ດ້ານ​ເສດຖະກິດ​​ ໂດຍສະເພາະໃນການເຈລະຈາການຄ້າຂອງ ອຄລ ໃນຖານະສະມາຊິກຂອງກຸ່ມອາຊຽນ ແລະ ກຸ່ມປະເທດດ້ອຍພັດທະນາ. ທັງ​ໝົດ​ທີ່​ກ່າວ​ມາ​ນີ້​ທ້າຍ​ທີ່​ສຸດ​ແລ້ວ​ແມ່ນ​ຈະ​ຊ່ວຍ​​ໃນ​ການ​ສ້າງ​ວຽກ​ເຮັດ​ງານ​ທຳ ​ແລະ ລາຍ​ຮັບ​ແກ່​ທຸລະກິດ ​ແລະ ປວງ​ຊົນ​ລາວ ​ແລະ ປະກອບສ່ວນ​ຕໍ່​ແນວທາງ​ໃນ​ການ​ຫຼຸ​ດຜ່ອນ​ຄວາມທຸກ​ຍາກ​ຂອງ​ປະຊາຊົນ​ລາວ. ພວກເຮົາຈະໄດ້ສືບຕໍ່ຮ່ວມມືກັນໃນການຈັດຕັ້ງປະຕິບັດບັນດາສິດ ແລະ ພັນທະຂອງຕົນໃນອົງການການຄ້າໂລກ ເພື່ອນໍາຜົນປະໂຫຍດສູງສຸດ ​ປະກອບສ່ວນ​​ເຂົ້າ​ໃນ​ການ​ສ້າງສາ​ ແລະ ພັດທະນາ​ ສປປ ລາວ ໃຫ້ຫຼຸດພົ້ນອອກຈາກປະເທດດ້ອຍພັດທະນາໃນປີ 2020.

 

 

ການເຂົ້າເປັນສະມາຊິກ ອຄລ ຈະຊ່ວຍການພັດທະນາເສດຖະກິດສັງຄົມຂອງປະເທດແນວໃດ?ປັບປຸງນິຕິກຳກ່ຽວກັບ​ຊັບສິນທາງປັນຍາ ໃຫ້ສອດຄ່ອງກັບສັນຍາຂອງ ອຄລ ກ່ອນເຂົ້າເປັນສະມາຊິກ, ສ່ວນການຈັດຕັ້ງປະຕິບັດທັງໝົດ ໂດຍສະເພາະກ່ຽວກັບບັນຫາສາທາລະນະສຸກທີ່ຕິດພັນກັບການປົກປ້ອງສິດທິບັດ ແມ່ນສາມາດຜ່ອນຜັນໄດ້ເຖິງວັນທີ 31 ທັນວາ 2016 ໂດຍກະຊວງວິທະຍາສາດ ແລະ ເຕັກໂນໂລຊີ ແລະ ກະຊວງຖະແຫຼງຂ່າວ, ວັດທະນະທຳ.ປັບປຸງນິຕິກຳກ່ຽວກັບມາດຕະຖານ-ເຕັກນິກ​ (​TBT) ໃຫ້ສອດຄ່ອງກັບສັນຍາຂອງ ອຄລ ກ່ອນເຂົ້າເປັນສະມາຊິກ, ສ່ວນການຈັດຕັ້ງປະຕິບັດທັງໝົດ ແມ່ນສາມາດຜ່ອນຜັນໄດ້ເຖິງວັນທີ 1 ມັງກອນ 2015 ໂດຍກະຊວງວິທະຍາສາດ ແລະເຕັກໂນໂລຊີ ແລະ ຂະແໜງການທີ່ກ່ຽວຂ້ອງ;​ປັບປຸງນິຕິກຳກ່ຽວກັບ​ສຸຂາ​ນາ​ໄມ ​ແລະ ສຸຂາ​ນາ​ໄມ​ພືດ (SPS) ໃຫ້ສອດຄ່ອງກັບສັນຍາຂອງ ອຄລ​ກ່ອນເຂົ້າເປັນສະມາຊິກ, ສ່ວນການຈັດຕັ້ງປະຕິບັດທັງໝົດ ແມ່ນສາມາດຜ່ອນຜັນໄດ້ເຖິງວັນທີ 1 ມັງກອນ 2015 ໂດຍ ກະຊວງກະສິກຳ ແລະ ປ່າໄມ້, ກະຊວງສາທາລະນະສຸກ ແລະ ຂະແໜງການທີ່ກ່ຽວຂ້ອງ;ພິມເຜີຍແຜ່ບັນດາກົດໝາຍ ແລະ ນິຕິກຳອື່ນໆ ກ່ອນມີຜົນສັກສິດ ຜ່ານທາງໜັງສືພິມ ແລະ ເວັບໄຊຂອງພາກສ່ວນກ່ຽວຂ້ອງໃນມື້ເຂົ້າເປັນສະມາຊິກ ຊຶ່ງກໍເປັນສິ່ງທີ່ ສປປ ລາວ ດຳເນີນການຢູ່ແລ້ວ, ສ່ວນການພິມເຜີຍແຜ່ຜ່ານລະບົບຈົດ​ໝາຍ​ເຫດ​ລັດຖະການ (Official Gazette) ແມ່ນໄດ້ໄລຍະຜ່ອນຜັນພາຍຫຼັງ 3 ປີ ທີ່ເຂົ້າເປັນສະມາຊິກ ໂດຍກະຊວງຍຸຕິທຳ ແລະ ຫ້ອງວ່າການລັດຖະບານ;ມາດຕະການປົກປ້ອງຊົ່ວຄາວ 5 ປີ ພາຍຫຼັງເຂົ້າເປັນສະມາຊິກ ໂດຍກະຊວງອຸດສາຫະກຳ ແລະ ການຄ້າ;ສິດການນຳເຂົ້າ-ສົ່ງອອກໄດ້ໄລຍະຜ່ອນຜັນການຈັດຕັ້ງປະຕິບັດ 2 ປີ ພາຍຫຼັງເຂົ້າເປັນສະມາຊິກ ໂດຍກະຊວງອຸດສາຫະກຳ ແລະ ການຄ້າ;
ສປປ ລາວ ສາມາດເຈລະຈາໄດ້ໄລຍະຜ່ອນຜັນເພື່ອຈັດຕັ້ງປະຕິບັດບາງພັນທະພາຍຫຼັງທີ່ເຂົ້າເປັນສະ ມາຊິກໂດຍຂະແໜງການຕ່າງໆເຊັ່ນ:
ພ້ອມນີ້, ສປປ ລາວ ກໍໄດ້ເຈລະຈາ ແລະ ໃຫ້ພັນທະປັບປຸງນິຕິກຳທີ່ຕິດພັນກັບການຄ້າໃຫ້ສອດຄ່ອງກັບຫຼັກການ ກໍຄືສັນຍາຂອງ ອຄລ ຊຶ່ງຫຼາຍບັນຫາໄດ້ສຳເລັດກ່ອນມື້ເຂົ້າເປັນສະມາຊິກ ອຄລແລະ ສ່ວນໜຶ່ງແມ່ນໄດ້ໄລຍະຜ່ອນຜັນ. ບັນຫາທີ່ມີການເຈລະຈາ ລວມມີ:​ ການຄຸ້ມຄອງການນຳເຂົ້າ-ສົ່ງ​ອອກ, ການ​ຄຸ້ມ​ຄອງ​ລາຄາ, ການຄຸ້ມຄອງລັດວິສາຫະກິດ, ມູນ​ຄ່າ​ແຈ້ງພາສີ, ອາກອນ ​ແລະຄ່າທຳນຽມອື່ນໆ, ນະໂຍບາຍສົ່ງ​ເສີມ​ການ​ລົງທຶນ ​ແລະ ​ເຂດ​ເສດຖະກິດ​ພິ​ເສດ, ນະໂຍບາຍກະສິກຳ, ສຸຂານາໄມ ແລະ ສຸຂາ​ນາໄມພືດ, ສິ່ງ​ກີດຂວາງ​ດ້ານ​ເຕັກນິກ​ຕໍ່ການຄ້າ, ຊັບສິນທາງປັນຍາ ແລະ ຄວາມໂປ່ງໃສ.
ສ່ວນ​ດ້ານ​ບໍລິການ, ສປປ ລາວ ​ໄດ້​ເປີດ 79 ຂະ​ແໜງ​ຍ່ອຍ (ຈາກ 160 ​ຂະ​ແໜງ​ການ) ​ໂດຍ​ສ່ວນ​ໃຫຍ່​ຈັດ​ຕັ້ງ​ປະຕິບັດ​ໃນ​ມື້​ເຂົ້າ​ເປັນ​ສະມາຊິກ WTO ​ແລະ ​ບາງ​ຂະ​ແໜງ​ຍ່ອຍ​ໄດ້ໄລຍະ​ຜ່ອນຜັນຈັດຕັ້ງປະຕິບັດ 3, 5 ຫຼື 7 ປີ. ເຫັນ​ວ່າ ລາວ ເຈລະຈາໄດ້ດີສົມຄວນ ເມື່ອສົມທຽບກັບສະມາຊິກທີ່ຫາກໍເຂົ້າໃໝ່ອື່ນໆ ເຊັ່ນ: ​ກຳປູ​ເຈຍ​ເປີດ 96 ຂະ​ແໜງ​ຍ່ອຍ (​ເປັນ​ສະມາຊິກປີ 2004)ແລະ ຫວຽດນາມ 98 ຂະ     ແໜງຍ່ອຍ (ປີ 2007).
ສໍາລັບ​ການ​ເຈລະຈາ​ສອງ​ຝ່າຍ​ໃນ​ດ້ານ​ສິນຄ້​າ, ສປປ ລາວ ​ໄດ້​ກໍານົດ​ເພດານພາສີ​ໃນອັດຕາສະເລ່ຍຕໍ່ສິນຄ້າ​ກະສິກໍາ 19.3% ​ແລະອຸດສາຫະກໍາ 18.7% (ຊຶ່ງ​ຍັງ​ສູງ​ກວ່າ​ອັດຕາ​ຈັດ​ເກັບ​ຕົວ​ຈິງ: 18.4% ​ແລະ 10.0 ​ຕາມ​ລຳດັບ) ​ໂດຍ​ສ່ວນ​ໃຫຍ່​ແມ່ນ​ຈັດ​ຕັ້ງ​ປະຕິບັດ​ໃນ​ມື້​ເຂົ້າ​ເປັນ​ສະມາຊິກ ​ແລະບາງ​ລາຍການ​ໄດ້ໄລຍະ​ຜ່ອນຜັນ​ຈັດ​ຕັ້ງ​ປະຕິບັດ ​5-10 ປີພາຍຫຼັງ​ເຂົ້າ​ເປັນ​ສະມາຊິກ WTO. ​
ສປປ ລາວ ໄດ້ໃຫ້ພັນທະໃນການເຂົ້າເປັນສະມາຊິກແນວໃດແດ່?
ໂດຍ​ລວມ​ແລ້ວ, ສປປ ລາວ ໄດ້ເອົາໃຈໃສ່ທົບທວນ, ປັບປຸງ ແລະ ອອກລະບຽບກົດໝາຍທີ່ຕິດພັນກັບການຄ້າ ຫຼາຍກວ່າ 90 ສະບັບເພື່ອໃຫ້ສອດຄ່ອງກັບເງື່ອນໄຂ ກໍຄືສັນຍາຂອງ ອຄລ. ກົດໝາຍທີ່ສຳຄັນປະກອບດ້ວຍ: ກົດໝາຍວິສາຫະກິດ, ກົດໝາຍພາສີ,​ ກົດໝາຍສ່ວຍສາອາກອນ, ກົດໝາຍສົ່ງເສີມການລົງທຶນ, ກົດໝາຍຊັບສິນທາງປັນຍາ ແລະ ອື່ນໆ. ສປປລາວ​ໄດ້​ຕອບ​ຄຳ​ຖາມ​ສະມາຊິກ ອຄລ ລວມປະມານ 1,300 ຂໍ້. ຄຽງຄູ່ກັນ ສປປ ລາວ ກໍໄດ້​ໃຫ້ພັນທະ​ໃນ​ການ​ເປີດ​ຕະຫຼາດ ບົນພື້ນຖານການເຈລະຈາ​​​ສອງ​ຝ່າຍເພື່ອ​​ກໍານົດ​​ເພດານ​ອັດຕາ​ພາສີ ​ແລະ ​ເປີດ​ຂະ​ແໜງ​ບໍລິການກັບ 9 ສະມາຊິກຄື: ອົດສະຕາລີ, ການາດາ, ສປຈີນ, ຈີນໄຕ້ຫວັນ, ສະຫະພາບເອີຣົບ, ຍີ່ປຸ່ນ, ສ. ເກົາຫຼີ, ຢູເຄຣນ ແລະສະຫະລັດອາເມລິກາ.
ສປປ ລາວ ໄດ້ສະໝັກເຂົ້າ ອຄລ ​ໃນ​ປີ 1997 ​ແລະ ຕະຫຼອດໄລຍະ 14 ປີຂອງການກະກຽມ​, ສປປ ລາວ ໄດ້ສໍາເລັດກອງປະຊຸມໜ່ວຍປະຕິບັດງານຊຶ່ງ​ເປັນ​ການ​ເຈລະຈາ​ຫຼາຍຝ່າຍໃນການທົບທວນ-ປັບ ປຸງນິຕິກຳ​ຈໍານວນ10 ຄັ້ງໂດຍມີສະມາຊິກ ອຄລ 66 ສະມາຊິກເຂົ້າຮ່ວມກອງປະຊຸມ (ໂດຍນັບແຕ່ລະສະມາຊິກຂອງສະຫະພາບເອີລົບແຍກກັນ). ຄຽງຄູ່ກັນ, ​ສປປ ລາວ ກໍໄດ້ສຳເລັດການເຈລະຈາສອງຝ່າຍກັບສະມາຊິກ ທີ່ໄດ້ຮ່ວມເຈລະຈາການເປີດຕະຫຼາດການຄ້າດ້ານສິນຄ້າ ແລະ ການບໍລິການພາຍໃຕ້ຂອບ ອຄລ ກັບ ສປປ ລາວ.
​ສປປ ລາວ ໄດ້ເຮັດຫຍັງແດ່ໃນການກະກຽມເຂົ້າ ອຄລ?
ພາຍຫຼັງທີ່ເອກະສານເງື່ອນໄຂການເຂົ້າເປັນສະມາຊິກ ໄດ້ຖືກຮັບຮອງຢ່າງເປັນທາງການແລ້ວ, ລັດຖະບານຈະເໜີໃຫ້ສະພາແຫ່ງຊາດໃຫ້ສັດຕະຍາບັນ ເຊຶ່ງຄາດວ່າຈະສະເໜີສະພາແຫ່ງຊາດໃນເດືອນທັນວາ 2012 ນີ້, ແລ້ວຈຶ່ງແຈ້ງໃຫ້ກອງເລຂາ ອຄລ ຊາບ. ຫຼັງຈາກນັ້ນ 30​ ວັນ, ສປປ ລາວ ຈະໄດ້ເຂົ້າເປັນສະມາຊິກສົມບູນຂອງອົງການການຄ້າໂລກແບບອັດຕະໂນມັດໂດຍຄາດວ່າ ສປປ ລາວ ຈະເປັນສະມາຊິກສົມບູນທີ 158 ຊ້າສຸດ ພາຍໃນຕົ້ນປີ 2013.
ເຖິງຢ່າງໃດກໍຕາມ, ເພື່ອສໍາເລັດຂັ້ນຕອນການເຂົ້າເປັນສະມາຊິກ ອຄລ ໂດຍສົມບູນ, ເອກະສານເງື່ອນໄຂການເຂົ້າເປັນສະມາຊິກຂອງລາວ ຈະໄດ້ຮັບການຍື່ນສະເໜີຕໍ່ສະພາໃຫຍ່ (General Council) ຂອງ ອຄລ ຊຶ່ງເປັນກອງປະຊຸມລະດັບສູງ ເພື່ອຮັບຮອງການເຂົ້າເປັນສະມາຊິກຂອງລາວ ຢ່າງເປັນທາງການ ທີ່ໄດ້ກຳນົດວ່າຈະຈັດຂື້ນ ໃນວັນທີ 26 ຕຸລາ 2012 ນີ້.​ ໂດຍພື້ນຖານແລ້ວ, ເງື່ອນໄຂການເຂົ້າເປັນສະມາຊິກ ຄວນຖືກຮັບຮອງໂດຍກອງປະຊຸມລະດັບລັດຖະມົນຕີຂອງ ອຄລ ຊຶ່ງມີການຈັດທຸກໆ 2 ປີ, ແຕ່ໃນລະຫວ່າງນັ້ນ ສາມາດມອບອໍານາດໃຫ້ກອງປະຊຸມສະພາໃຫຍ່ດຳເນີນໜ້າທີ່ຮັບຮອງແທນໄດ້. ດັ່ງນັ້ນ, ຈຶ່ງຖືວ່າ ສປປ ລາວ ສາມາດສະຫຼຸບການເຈລະຈາເຂົ້າເປັນສະມາຊິກ ອຄລ ກ່ອນທີ່ຈະເປັນເຈົ້າພາບຈັດກອງປະຊຸມສຸດຍອດ ອາຊີ-ເອີລົບ (ASEM) ຄັ້ງທີ 9 ໃນຕົ້ນເດືອນພະຈິກປີນີ້ ຕາມຄາດໝາຍ.
3) ຕາຕະລາງເປີດຂະແໜງບໍລິການ.
2) ຕາຕະລາງຫຼຸດຜ່ອນອັດຕາພາສີ ສໍາລັບສິນຄ້າກະສິກໍາ ແລະ ອຸດສາຫະກໍາ; ແລະ
1) ​ບົດ​ລາຍ​ງານ​​ໜ່ວຍ​ປະ​ຕິ​ບັດ​ງານ (Working Party Report): ອະທິບາຍກ່ຽວກັບລະບອບການຄ້າຕ່າງປະເທດ ແລະ ພັນທະທີ່ ສປປ ລາວ ຮັບເອົາເພື່ອຮັບປະກັນຄວາມສອດຄ່ອງກັບສັນຍາຂອງ ອຄລ;
ກອງປະຊຸມໜ່ວຍປະຕິບັດງານຄັ້ງທີ 10 ທີ່ຈັດໃນວັນທີ 28ເດືອນກັນຍາ ເປັນກອງປະຊຸມເຈລະຈາຄັ້ງສຸດທ້າຍເພື່ອພິຈາລະນາເອກະສານເງື່ອນໄຂການເຂົ້າເປັນສະມາຊິກ ອຄລ ຂອງ ສປປ ລາວ ຫຼືສົນທິສັນຍາການເຂົ້າເປັນສະມາຊິກ (Accession Protocol) ຊຶ່ງມີເອກະສານຊ້ອນທ້າຍ 3 ສະບັບຄື:
ສປປ ລາວ ເຂົ້າເປັນສະມາຊິກສົມບູນຂອງ ອລຄ ແລ້ວບໍ່?
ລັດຖະມົນຕີວ່າການກະຊວງອຸດສາຫະກຳ ແລະ ການຄ້າໄດ້ນຳພາຄະນະຜູ້ແທນຂັ້ນສູງຂອງລາວເຂົ້າຮ່ວມກອງປະຊຸມຄັ້ງນີ້ ໂດຍໄດ້ມີ​ຄຳ​ເຫັນຕໍ່ກອງປະຊຸມ​ວ່າ: “ລັດຖະບານ ກໍຄືປະຊາຊົນ​ລາວບັນດາເຜົ່າ ​​ມີ​ຄວາມ​ຫວັງຄອງ​ຄອຍ​ສູງ​ຕໍ່​ຜົນສຳ​ເລັດໃນການສະຫຼຸບການເຈລະຈາເຂົ້າເປັນສະມາຊິກອົງການການຄ້າໂລກຂອງ ສປປ ລາວ ເພື່ອໄດ້ຮັບສິດຢ່າງເຕັມສ່ວນຂອງການເປັນສະມາຊິກຂອງອົງການດັ່ງກ່າວ ກໍຄືການເຂົ້າຕະຫຼາດຂອງສະມາຊິກ ອຄລ ທັງໝົດ 157 ເສດຖະກິດ ພາຍໃຕ້ຫຼັກການສະເໝີພາບ ແລະ ບໍ່ຈຳແນກປະຕິບັດ. ພ້ອມນັ້ນຍັງໄດ້ອະທິບາຍວ່າ ສປປ ລາວ ​ໄດ້​ໝູນ​ໃຊ້​ຂັ້ນ​ຕອນ​ການ​ເຈລະຈາເຂົ້າເປັນສະມາຊິກ ອຄລ ​ເປັນ​ແຮງ​ຍູ້​ດັນ​ໃຫ້​ແກ່​ການປັບປຸງ​ກົນ​ໄກ​ຄຸ້ມ​ຄອງ​ດ້ານ​ການ​ຄ້າການລົງທຶນຂອງ​ຕົນ ​ໃຫ້ສອດຄ່ອງ​ກັບ​ລະບຽບການຂອງ​ສາກົນ....ການເຂົ້າເປັນສະມາຊິກ ອຄລ ເປັນການປູ​ພື້ນຖານ​​ໃຫ້​ແກ່​ ສປປ ລາວ ໃນການເຊື່ອມໂຍງເສດຖະກິດເຂົ້າພາກພື້ນ ແລະ ສາກົນຢ່າງຕັ້ງໜ້າ ໂດຍສະເພາະ ການເຂົ້າຮ່ວມປະຊາຄົມເສດຖະກິດອາຊຽນພາຍໃນປີ 2015”.
ສປປ ລາວ ໄດ້ສຳເລັດການເຈລະຈາເຂົ້າເປັນສະມາຊິກອົງການການຄ້າໂລກ (ອຄລ ຫຼື WTO)ໂດຍໄດ້ຮັບການປະກາດຜົນສຳເລັດໃນກອງປະຊຸມໜ່ວຍປະຕິບັດງານຄັ້ງທີ 10 ທີ່ໄດ້ຈັດຂື້ນທີ່ເຈນີວາ,​ ສະວິດເຊີແລນໃນວັນທີ 28 ກັນຍາ 2012.ກອງປະຊຸມດັ່ງກ່າວຖືເປັນຄັ້ງສຸດທ້າຍຂອງການເຈລະຈາໂດຍຈັດຂື້ນເພື່ອພິຈາລະນາຮັບຮອງເອົາຜົນ​​ສະຫຼຸບກ່ຽວກັບ​ການເຂົ້າເປັນສະມາຊິກຂອງລາວ ຊຶ່ງ​ສະມາຊິກ ອຄລ ລວມທັງ ສປ ຈີນ ໃນນາມປະທານກອງປະຊຸມ,​ ກຸ່ມອາຊຽນ, ກຸ່ມປະເທດດ້ອຍພັດທະນາ ແລະ ສະມາຊິກອື່ນໆ ລ້ວນແຕ່ໄດ້ກ່າວສະແດງຄວາມຍິນດີ ແລະ ຊົມເຊີຍການກະກຽມຢ່າງຕັ້ງໜ້າຂອງລັດຖະບານລາວ. ຜົນສຳ​ເລັດ​​ດ້ານ​ປະຫວັດສາດ​ຄັ້ງ​ນີ້ແມ່ນໝາກຜົນແຫ່ງຄວາມພະຍາຍາມ ແລະເອົາໃຈໃສ່ຂອງພັກ ແລະ ລັດຖະບານ ໃນການກະກຽມພື້ນຖານ ແລະ ຄວາມພ້ອມນັບແຕ່ມື້ສະໝັກເຂົ້າເປັນສະມາຊິກອຄລ ໃນປີ 1997​ ເປັນຕົ້ນມາ.
ຜົນສຳເລັດຂອງກອງປະຊຸມໜ່ວຍປະຕິບັດງານຄັ້ງທີ 10 ມີຄືແນວໃດ?

Last Updated ( Friday, 02 November 2012 14:51 )  
You are here: Home News and Events News ຖະແຫຼງຂ່າວ ຜົນສຳເລັດການເຈລະຈາເຂົ້າເປັນສະມາຊິກອົງການການຄ້າໂລກຂອງລາວ
View Visitor Stats