Foreign Trade Policy Department

    ພາສາລາວພາສາອັງກິດ

ເມນູຫຼັກ

ໜ່ວຍງານແຈ້ງຂໍ້ມູນ GATS

WTO & AEC Center

ຜູ້ທີ່ກຳລັງເຂົ້າຢ້ຽມຊົມ

ເຮົາມີ 19 ບຸກຄົນທົ່ວໄປ ອອນໄລນ

ສະຖິຕິຜູ້ເຂົ້າຢ້ຽມຊົມ

mod_vvisit_countermod_vvisit_countermod_vvisit_countermod_vvisit_countermod_vvisit_countermod_vvisit_counter
mod_vvisit_counterToday285
mod_vvisit_counterYesterday415
mod_vvisit_counterThis week1085
mod_vvisit_counterLast week0
mod_vvisit_counterThis month6061
mod_vvisit_counterLast month23678
mod_vvisit_counterAll days204429

IX Party Congress Resolution

ອີເມລ ພິມ PDF
There are no translations available.

IX Party Congress Resolution

ກອງ​ປະຊຸມ​ໃຫຍ່​ຜູ້​ແທນ​ທົ່ວ​ປະ​ເທດຄັ້ງທີ IXຂອງ​ພັກ​ປະຊາຊົນ ປະຕິວັດ​ລາວ​ໄຂ​ຂຶ້ນຢ່າງ​ສະຫງ່າ​ຜ່າ​ເຜີ​ຍ

9th Party Congress of the Lao People's Revolutionary Party opens  ພິມ PDF

ກອງປະຊຸມໃຫຍ່ ຜູ້ແທນທົ່ວປະເທດຄັ້ງທີ IX ຂອງພັກປະຊາຊົນ ປະຕິວັດລາວ ໄດ້ໄຂຂຶ້ນຢ່າງ ເປັນທາງການ ແລະສະຫງ່າຜ່າເຜີຍ ເມື່ອຕອນເຊົ້າວັນທີ 17 ມີນາ 2011 ທີ່ນະຄອນຫລວງວຽງຈັນ ໂດຍມີຜູ້ແທນສົມບູນ ເຂົ້າຮ່ວມ 576 ສະຫາຍທີ່ເປັນຕົວແທນ ໃຫ້ແກ່ບັນດາສະມາຊິກພັກທັງ ຫມົດໃນຂອບເຂດທົ່ວປະເທດ ຈຳນວນ 191.700 ກວ່າສະຫາຍ ແລະ ແຂກຖືກເຊີນເຂົ້າຮ່ວມ ເປັນກຽດເຂົ້າຮ່ວມເທິງເວທີ ຂອງຄະນະປະທານ ປະ​ກອບມີ ສະຫາຍ ຈູມມາລີ ໄຊຍະສອນ,


ເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນ ປະຕິວັດລາວ, ປະທານປະເທດ ແຫ່ງ ສປປ ລາວ ພ້ອມດ້ວຍບັນດາສະ ຫາຍກຳ ມະການກົມການເມືອງ ສູນກາງພັກ, ບັນດາຜູ້ຕາງຫນ້າອົງການຈັດຕັ້ງມະຫາຊົນຂັ້ນສູນກາງ ແລະຕົວແທນວິລະຊົນແຫ່ງຊາດ. ກອງປະຊຸມ ໄຂ ຂຶ້ນພາຍໃຕ້ຄຳຂວັນ “ເພີ່ມທະວີຄວາມສາມັກຄີເປັນປຶກແຜ່ນ ທົ່ວປວງຊົນລາວ ແລະ ຄວາມເປັນເອກະພາບພາຍໃນພັກ, ເຊີດຊູ ບົດບາດ ແລະ ຄວາມສາມາດນຳພາຂອງພັກ, ສ້າງບາດກ້າວບຸກທະລຸໃນການຈັດຕັ້ງປະຕິບັດແນວທາງປ່ຽນແປງໃຫມ່,ສ້າງພື້ນຖານ ອັນຫນັກແຫນ້ນ ໃຫ້ການນຳເອົາປະເທດເຮົາຫລຸດພົ້ນອອກຈາກຄວາມດ້ອຍພັດທະນາໃນ ປີ 2020 ແລະ ສືບຕໍ່ກ້າວຂຶ້ນສູ່ຈຸດຫມາຍສັງຄົມນິຍົມ”. ພິທີທາງ ການໄຂຂຶ້ນໂດຍຜູ້ແທນເຂົ້າຮ່ວມກອງປະຊຸມລຸກຂຶ້ນເຄົາ ລົບທຸງ ດ້ວຍການບັນເລງເພງຊາດ ແລະ ເພງສາກົນກຳມະຊີບຈາກກອງດຸລິຍາງ. ຈາກນັ້ນເຍົາວະຊົນສອງທັນວາ ໄດ້ຂຶ້ນ ມອບຊໍ່ດອກໄມ້ໃຫ້ຄະນະປະທານກອງປະຊຸມໃຫຍ່ຫລັງຈາກນັ້ນສະຫາຍ ບຸນຍັງ ວໍລະຈິດ,ກຳ ມະ ການກົມການເມືອງສູນ ກາງພັກ, ຮອງປະທານປະເທດແຫ່ງ ສປປ ລາວໃນນາມປະທານກອງປະຊຸມ ໄດ້ຮຽນເຊີນ ສະຫາຍ ທອງສິງ ທຳ ມະວົງ, ກຳມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ ສປປ ລາວຂຶ້ນກ່າວສູນທອນພົດໄຂກອງປະຊຸມໃຫຍ່ຄັ້ງ ທີ IX ຂອງພັກ ປປ ລາວ ຢ່າງເປັນທາງການຊຶ່ງມີເນື້ອໃນບາງຕອນສຳຄັນວ່າ:ກອງປະຊຸມຂອງພັກແຕ່ລະຄັ້ງລ້ວນແຕ່ເປັນ ເຫດການສຳຄັນໃນຊີ ວິດການເມືອງ - ສັງຄົມຂອງປະເທດເຮົາ ເພາະວ່າກອງປະຊຸມໃຫຍ່ແມ່ນອົງການນຳສູງສຸດຂອງພັກ ທີ່ຕົກລົງຮັບຮອງ ເອົາແນວທາງນະ ໂຍບາຍ ແລະທິດທາງວຽກງານໃຫຍ່ສຳລັບການນຳພາປະເທດຊາດກ້າວຂຶ້ນສູ່ຄວາມ ມັ່ງຄັ່ງເຂັ້ມແຂງ, ນຳເອົາຄວາມຮັ່ງມີຜາສຸກມາສູ່ປະຊາ ຊົນເຮົາ. ສຳລັບກອງປະຊຸມໃຫຍ່ຄັ້ງນີ້ ແມ່ນມີຫນ້າທີ່ຄົ້ນຄວ້າ ແລະ ຮັບຮອງເອົາລາຍງານການເມືອງຂອງຄະນະບໍລິຫານງານສູນກາງພັກ, ແຜນພັດທະນາເສດຖະກິດ - ສັງຄົມແຫ່ງຊາດ 5 ປີຄັ້ງທີ VII ສຳລັບໄລຍະ 2011 - 2015 ແລະກົດລະບຽບຂອງພັກສະບັບປັບປຸງ .ພ້ອມກັນນັ້ນກໍ່ຈະໄດ້ເລືອກຕັ້ງເອົາບຸກ ຄະລາກອນຄະນະນຳຂອງພັກ ເພື່ອສືບຕໍ່ນຳພາພາລະກິດປະຕິວັດໃຫ້ກ້າວຂຶ້ນຢ່າງຕໍ່ເນື່ອງ ຫນັກ ແຫນ້ນສູ່ຈຸດຫມາຍທີ່ ວາງໄວ້.ພາຍຫລັງທີ່ສະຫາຍ ບຸນທອງ ຈິດມະນີ, ຄະນະເລຂາທິການສູນກາງພັກ, ຫົວຫນ້າຄະນະຈັດຕັ້ງສູນ ກາງພັກ ຂຶ້ນລາຍງານຄຸນລັກສະນະຜູ້ແທນກອງປະຊຸມໃຫຍ່ຄັ້ງທີ IX ຂອງພັກແລ້ວສະຫາຍເລຂາທິ ການໃຫຍ່ ຈູມມາລີ ໄຊຍະ ສອນ ໄດ້ຂຶ້ນຜ່ານຮ່າງ ລາຍງານການເມືອງຂອງຄະນະບໍລິຫານງານສູນກາງພັກ ສະໄຫມທີ VIII ຕໍ່ກອງປະຊຸມໃຫຍ່ຜູ້ ແທນທົ່ວປະເທດຂອງພັກຄັ້ງທີ IX ຊຶ່ງໄດ້ສະ ຫລຸບຕີລາຄາຜົນງານແຫ່ງການຈັດຕັ້ງປະຕິບັດມະຕິກອງປະຊຸມໃຫຍ່ຄັ້ງທີ VIII ຂອງພັກ ໃນ5 ປີຜ່ານມາ (2006 - 2010)ໂດຍໄດ້ຍົກ ໃຫ້ເຫັນວ່າພວກເຮົາສາມາດປົກປັກຮັກສາ ຄວາມເປັນເອກະ ລາດ, ອະທິປະໄຕແລະ ຜືນແຜ່ນດິນອັນຄົບຖ້ວນຂອງປະເທດຊາດໄວ້ໄດ້ຢ່າງ ຫມັ້ນຄົງ,ລະບອບການເມືອງມີສະຖຽນລະ ພາບອັນຫນັກແຫນ້ນ,ສັງຄົມມີຄວາມສະຫງົບປອດໄພ ແລະ ມີຄວາມເປັນລະບຽບຮຽບຮ້ອຍ ໂດຍທົ່ວໄປ ແລະ ມີຜົນສຳ ເລັດໃຫມ່ຫຼາຍປະການໃນການພັດທະນາເສດຖະກິດ - ສັງຄົມ.ອັນພົ້ນເດັ່ນແມ່ນຈັງຫວະການເຕີບໂຕເສດຖະກິດ ແຫ່ງຊາດໄດ້ເພີ່ມຂຶ້ນຢ່າງຕໍ່ເນື່ອງໂດຍສະເລ່ຍ 5 ປີ ແມ່ນ 7,9% ຕໍ່ປີ, ລວມຍອດຜະລິດຕະພັນພາຍໃນສົກປີ 2009-2010 ສະເລ່ຍຕໍ່ພົນ ລະເມືອງບັນລຸ 8,7 ລ້ານກີບຕໍ່ຄົນ ຫລື 1.069 ໂດລາສະຫະລັດ;ໃນດ້ານວຽກງານການຕ່າງປະເທດກໍ່ໄດ້ ຮັບຜົນສຳເລັດທີ່ສຳຄັນຫລາຍ ປະການໃນການຈັດຕັ້ງປະຕິບັດແນວທາງນະໂຍບາຍການຕ່າງປະເທດ ໂດຍສະເພາະແມ່ນ ກັບບັນດາປະເທດເພື່ອນມິດຍຸດທະສາດ, ການ ຮ່ວມມືກັບບັນດາປະເທດໃນຄອບຄົວອາຊຽນມີຄວາມສະຫນິດແໜ້ນ ບົນ​ພື້ນຖານການຢຶດຫມັ້ນຫລັກການພື້ນຖານ ແລະການເຄື່ອນ ໄຫວໄປທິດທາງດຽວກັນເພື່ອກ້າວໄປສູ່ການເປັນປະຊາຄົມ​ອາຊຽນ. ຈາກນັ້ນກໍ່ໄດ້ຍົກໃຫ້ເຫັນເຖິງບັນດາທິດທາງ ແລະ ຫນ້າທີ່ຈຸດສຸມໃນ 5 ປີຕໍ່ຫນ້າ 2011-2015 ໂດຍອີງໃສ່ທ່າ​ອ່ຽງແຫ່ງການຜັນແປສະພາບແວດລ້ອມ ແລະ ສະພາວະຄວາມເປັນຈິງຂອງປະເທດເຮົາ,ຊຶ່ງພັກເຮົາ ໄດ້ກຳນົດຫນ້າທີ່​ລວມດັ່ງນີ້: ເພີ່ມທະວີການນຳພາ,ຊີ້ນຳຢ່າງເອົາຈິງເອົາຈັງໃນການຈັດຕັ້ງປະຕິບັດແນວທາງນະໂຍບາຍຂອງພັກ ແລະ ລັດ, ສ້າງ​ ໃຫ້ໄດ້ການຫັນປ່ຽນໃນການພັດທະນາໂດຍຮັບປະກັນການຈະເລີນເຕີບໂຕມີຈັງຫວະອັນເຫມາະສົມຫມັ້ນທ່ຽງ ແລະ ມີລັກສະນະຍືນ ຍົງ, ຍຶດຫມັ້ນການນຳພາປ່ຽນແປງໃຫມ່ຮອບດ້ານຢ່າງຫນັກແຫນ້ນ ແລະ ຖືກຕ້ອງຕາມ 6 ຫລັກ​ການທີ່ວາງໄວ້, ທັງມີຄວາມເດັດດ່ຽວປະ ດິດສ້າງໃນການຂຸດຄົ້ນກຳລັງແຮງສັງລວມ ແລະ ນຳໃຊ້ກາລະໂອກາດ ເພື່ອສ້າງ​ບາດ​ກ້າວບຸກທະລຸໃຫ້ໄດ້, ຊຶ່ງກ່ອນອື່ນຫມົດຕ້ອງບຸກທະລຸ ໃຫ້ໄດ້ທາງດ້ານຈິນຕະນາການດ້ວຍການແກ້ໄຂທັດສະນະ​ ແນວ​​ຄິດ​ແບບຄຳພີ, ຂີ້ຄ້ານມັກງ່າຍ, ຊ້າຍຈັດຂວາໂພດ,ຕ້ອງບຸກທະລຸຢ່າງແຂງ ແຮງດ້ານການພັດທະນາຊັບພະຍາກອນ​ມະນຸດ, ແກ້ໄຂລະບອບລະບຽບການບໍລິຫານຄຸ້ມຄອງທີ່ຍັງກົດຫນ່ວງອັດຕັນການຜະລິດທຸລະກິດ ແລະການບໍລິການໃຫ້​ ຕົກໄປຢ່າງຂາດຕົວ,ແກ້ໄຂຄວາມທຸກຍາກຂອງປະຊາຊົນ,ສ້າງພື້ນຖານໂຄງລ່າງດ້ານເສດຖະກິດສັງຄົມຢ່າງມີຈຸດສຸມ ເພື່ອ ​ເປັນກຳລັງແຮງຊຸກດັນໃຫ້ພັດທະນາໃນຂົງເຂດອື່ນໆຢ່າງແຂງແຮງ.ຕໍ່ມາສະຫາຍ ສົມສະຫວາດ ເລັ່ງສະຫວັດ ໄດ້ສະເຫນີ​ຮ່າງແຜນພັດ ທະນາເສດຖະກິດ - ສັງຄົມ 5 ປີ ຄັ້ງທີ VII(2011 - 2015)ໂດຍສະຫາຍໄດ້ຍົກໃຫ້ເຫັນຄາດຫມາຍໃຫຍ່​ຈຳນວນຫນຶ່ງເປັນຕົ້ນ: ເສດຖະ ກິດແຫ່ງຊາດຕ້ອງຂະຫຍາຍຕົວຢ່າງຕໍ່ເນື່ອງ ແລະ ຫມັ້ນທ່ຽງ,ລວມຍອດຜະລິດຕະພັນ​ພາຍ​ໃນໃຫ້ເພີ່ມຂຶ້ນ 8% ໃນແຕ່ລະປີ ແລະ ເມື່ອຮອດ ປີ 2015 ມູນຄ່າສະເລ່ຍຕໍ່ຫົວຄົນຕ້ອງບັນລຸໃຫ້ໄດ້ 1.700 ໂດລາ ສະຫະລັດ; ການພັດທະນາຕ້ອງຫັນປ່ຽນໄປຕາມທິດທີ່ຍືນຍົງໂດຍໃຫ້ ການພັດທະນາ​ທາງດ້ານສັງຄົມ, ວັດທະນະທຳ. ດຳເນີນໄປສົມຄູ່ກັບການພັດທະນາເສດຖະກິດ ແລະ ການຮັກສາສິ່ງແວດລ້ອມ,ມີປັດໄຈພື້ນ ຖານສຳລັບການຫັນເປັນອຸດ ສາຫະກຳ ແລະ ຫັນເປັນທັນສະໄຫມ.ສຳລັບຕອນບ່າຍ, ກອງປະຊຸມດຳເນີນໄປພາຍໃຕ້ການເປັນປະທານຂອງ ສະຫາຍ ທອງສິງ  ທຳມະວົງ; ໃນວາລະດຳເນີນກອງປະຊຸມສະຫາຍ ບຸນທອງ ຈິດມະນີ ໄດ້ນຳສະເຫນີຮ່າງລາຍງານກ່ຽວກັບ ການ​ປັບປຸງ ດັດແປງກົດລະບຽບພັກປະຊາຊົນ ປະຕິວັດລາວ ໂດຍໄດ້ຍົກໃຫ້ເຫັນຄວາມຈຳເປັນ, ທິດນຳ ແລະ ການດຳເນີນປັບປຸງ​ດັດແປງກົດລະບຽບ ພັກ, ໂດຍຮັບຮູ້ວ່າ: ກົດລະບຽບພັກແມ່ນທຳມະນູນ ແລະແມ່ນແນວທາງການຈັດຕັ້ງອັນພື້ນຖານ​ຂອງ​ພັກ ເພື່ອຊີ້ນຳວຽກງານກໍ່ສ້າງພັກໃນ ທົ່ວພັກໃຫ້ມີຄວາມເປັນເອກະພາບ ທັງສອດຄ່ອງກັບຈຸດພິເສດ ແລະລັກສະນະ​ຂອງການປະຕິວັດຢູ່ປະເທດເຮົາໃນແຕ່ລະໄລຍະ, ທັງເປັນການ ສະແດງເຖິງການຫມູນໃຊ້ບັນດາຫລັກມູນທິດສະດີມາກ - ເລນິນ ກ່ຽວກັບການກໍ່ສ້າງພັກປະຕິວັດຂອງຊົນຊັ້ນກຳມະກອນ ເຂົ້າໃນເງື່ອນໄຂ ຕົວຈິງຂອງປະເທດເຮົາຢ່າງຖືກຕ້ອງ ແລະ ປະດິດສ້າງ. ພ້ອມນີ້ຍັງໄດ້ຍົກໃຫ້ເຫັນຈຸດຢືນ ແລະ ທິດທາງໃນການປັບປຸງດັດແປງກົດລະບຽບພັກ ແລະ ບັນ​ດາ​ເນື້ອ​ ໃນທີ່ໄດ້ປັບປຸງດັດແປງໃຫມ່ໃນກົດລະບຽບຂອງພັກ.ຈາກນັ້ນທີ່ປະຊຸມໄດ້ຮັບຟັງການປະກອບຄຳເຫັນຂອງຜູ້ຕາງ ​ຫນ້າຄະ ນະພັກຈາກກະຊວງ, ນະຄອນຫຼວງ ແລະບັນດາແຂວງ.

 

 

Source from: National Assembly

-------------------

 

 

 

 


ແກ້ໄຂລ່າສຸດ ( ມື້ພະຫັດທີ່ 26 ກັນຍາ 2013 ເວລາ 17: 00 )  
You are here: Home ກອງປະຊຸມໃຫຍ່ຄັ້ງທີ IX
View Visitor Stats